Nəsimi rayonunun sabiq icra başçısı Elxan İbrahimovun vəzifədən azad olunmasından sonra bir sıra iddialar yayılmaqdadır.
SAVASHMEDİA.az xəbər verir ki, bir müddət əvvəl sabiq icra başçısı Elxan İbrahimovun “Ağçiçəyim” mağazalar şəbəkəsindən 200 min manat rüşvət istədiyinə görə işdən çıxarılması ilə bağlı məlumat yayılmışdı. Lakin daha sonra bu fakt öz təsdiqini tapmadı.
Belə ki, “Ağçiçəyim” mağazalar şəbəkəsinin rəhbəri Ceyhun Əliyev sözügedən iddianı yalanladı. Ceyhun Əliyev sabiq icra başçısı Elxan İbrahimovu tanımadığını və heç bir rüşvət vermədiyini bildirdi.
İndi isə digər bir iddia yayılıb. Məlumata görə, Elxan İbrahimov “Karat Holdinq”in sahibi, eks deputat Əsabil Qasımov tərəfindən şikayət olunub.
İddiaya görə, Əsabil Qasımov Nəsimi rayonu ərazisində yüksək mərtəbəli yaşayış binaları tikir və bunun üçün əvvəlcədən əldə olunan razılıq yeni icra başçısı tərəfindən pozulub. Sabiq icra başçısı iş adamı qarşısında yeni tələblər qoyub. Əsabil Qasımov isə öz növbəsində məsələdən şikayətçi olub.
“Gununsesi.info” yayılan iddialarla bağlı Əsabil Qasımovla əlaqə saxlasa da, o açıqlama verməkdən imtina edib.
