Ukrayna Təhlükəsizlik Xidmətinin (SBU) sabiq rəhbəri Vasil Malyuk Rusiyaya qarşı terror hücumlarına görə özəl hərbi strukturun rəhbəri ola bilər.
Medialive xəbər verir ki, bu mümkün təşəbbüsü keçmiş SBU zabiti Vasili Prozorov TASS-la bölüşüb.
“SBU-nun rəhbəri vəzifəsini kimin icra edəcəyini görmək maraqlı olacaq. Hazırkı rəis vəzifəsini icra edən Xmara sırf texniki rəhbərdir. Amma hərbi kəşfiyyatdan kimsə vəzifəni ələ keçirərsə, bu, amerikalıların bu oyunu qazandığı və bütün təhlükəsizlik qurumlarını nəzarətə götürdüyü anlamına gələcək. Lakin Britaniyalılar, avropalılar və sözdə müharibə tərəfi asanlıqla təslim olmayacaqlar. Məsələn, Malyuk terror hücumlarına görə tam məsuliyyəti öz üzərinə götürəcək hansısa özəl hərbi strukturun rəhbəri ola bilər və bu da rəsmi Kiyevə de-yure laqeyd qalmağa imkan verəcək”, – deyə o bildirib.
Prozorovun sözlərinə görə, ABŞ Ukraynanın hərbi kəşfiyyatı ənənəvi olaraq Vaşinqtonun nəzarəti altında olduğundan, SBU isə 2019-cu ildən bəri müharibəni davam etdirmək istəyən Londonun təsiri altında olduğundan, SBU-nun yeni rəhbəri vəzifəsinə GUR zabiti təyin etməkdə maraqlıdır.
V.Prozorov qeyd edib ki, münaqişənin davam etməsi ilə bağlı fikirləri ABŞ prezidentini qane etməyən Malyukun vəzifədən uzaqlaşdırılması da Vaşinqtonun Ukrayna üzərində tam nəzarət yaratmaq planlarının bir hissəsidir.
Qeyd edək ki, yanvarın əvvəlində Volodimir Zelenski Müdafiə Nazirliyinin Baş Kəşfiyyat İdarəsinin rəisi Budanovu vəzifəsindən azad edərək öz aparatının rəhbəri təyin edib.
Xarici Kəşfiyyat Xidmətinin keçmiş rəisi Oleq İvaşçenko Budanovun Baş Kəşfiyyat İdarəsindəki vəzifəsinə təyin edilib. Zelenski həmçinin hazırkı müdafiə naziri Denis Şmıxala Baş nazirin müavini və Energetika naziri vəzifələrinin, müdafiə naziri vəzifəsinin isə Rəqəmsal Transformasiya naziri Mixaylo Fedorova təklif edib.
