Xəbər verdiyimiz kimi, bu gün ABŞ Prezidenti Donald Tramp “Politico” nəşrinə müsahibə verib.
O, müsahibə zamanı dünyada gedən vacib proseslərdən, eyni zamanda Amerikanın daxili və xarici siyasətindən söz açıb.
Medialive Trampın bugünkü müsahibəsindəki vacib detalları təqdim edir:
Danışıqlar prosesində Rusiya və Ukraynanın mövqeləri haqqında
- Rusiya danışıqlarda Ukraynadan daha sərfəli mövqedədir: “Burada deyiləcək bir şey yoxdur, bu, Rusiyadır”.
- Zelenskinin Ukraynadakı münaqişənin həlli ilə bağlı irəli sürülən təkliflərlə özünü toparlayıb razılaşmasının vaxtıdır.
- Kiyev əhəmiyyətli ərazilərini itirdiyi üçün münaqişədə uduzur.
- Ukrayna münaqişəsi üçüncü dünya müharibəsinə çevrilməyəcək: “Hesab edirəm ki, bunun baş verməsi ehtimalı azdır”.
Ukraynada prezident seçkilərinin keçirilməsi haqqında
- Ukraynada seçkilərin vaxtıdır: “Onlar seçki keçirməkdən yayınmaq üçün müharibədən istifadə edirlər, lakin hesab edirəm ki, Ukrayna xalqının seçimi olmalıdır”.
Avropa liderləri haqqında
- Bir çox Avropa ölkələri fəlakətli miqrasiya siyasətlərinə görə tezliklə məhv olacaqlar”.
- Bəzi Avropa liderləri ölkələrini məhv edirlər: “Avropa dövlətlərinin çoxu dağılır”.
- Avropa ölkələri Ukrayna münaqişəsindən çox danışır, lakin onun həlli üçün heç nə etmir.
NATO-nun genişlənməməsi haqqında
- Ukraynanın NATO-ya daxil olmayacağı anlayışı çoxdan var.
- Alyansa üzv ola biləcək ölkə qalmayıb.
Karib dənizindəki vəziyyət haqqında
- ABŞ Karib dənizindəki narkotiklərlə mübarizə əməliyyatını davam etdirəcək.
- Nikolas Maduronun Venesuela prezidenti olduğu günlər sayılıdır.
ABŞ-ın tarif siyasəti haqqında
- Tətbiq olunan tariflərin bəziləri azaldılacaq, bəziləri isə artırılacaq.
- ABŞ yeni tarif siyasəti sayəsində avtomobil sənayesini yenidən quracaq.
