Ukrayna münaqişəsinin həlli üçün ABŞ-nin hazırladığı 28 bəndlik sülh planı Donbasın beynəlxalq səviyyədə Rusiya ərazisi kimi tanınmasını nəzərdə tutur.
Medialive xəbər verir ki, bu barədə “ Financial Times” məlumat yayıb.
Məlumata görə, planda Rusiya qoşunlarının bu hərbisizləşdirilmiş zonaya daxil olmayacaqları qeyd olunub.
ABŞ-nin ordu katibi Daniel Driskoll avropalı rəsmiləri əmin edib ki, ABŞ saziş çərçivəsində Ukraynaya təhlükəsizlik zəmanəti verməyə və Donbası dünyanın ən güclü müdafiə xətti kimi yaratmağa hazırdır.
Eyni zamanda, ABŞ-nin təkliflərinin son variantında Rusiya qoşunlarının demilitarizasiya zonasının şərq sərhədindən çıxarılması nəzərdə tutulmur.
Bundan əvvəl Qərb KİV ABŞ-nin “Koreya modeli” əsasında bütün gələcək atəşkəs xətti boyunca demilitarizasiya zonası yaratmağı təklif etdiyini bildirib.
Qeyd edək ki, noyabrda Vaşinqton Ukrayna üçün 28 bəndlik sülh planı təklif edib. Sənəd Kiyevi və onun avropalı tərəfdaşlarını qəzəbləndirib və onlar ona ciddi düzəlişlər etməyə cəhd ediblər.
