Yaponiyanın Baş naziri Sanae Takaichinin ötən həftə Tayvanla bağlı açıqlamaları Çinlə diplomatik mübahisəyə səbəb olub.
Medialive Reuters-ə istinadən xəbər verir ki, Pekin baş nazirin bu açıqlamalarına onun daxili işlərinə müdaxilə olduğunu əks etdirərək etiraz edib.
Bu mübahisə Asiyanın iki ən böyük iqtisadiyyatı arasında son illərdə daha sağlam təməllər üzərində olan münasibətləri korlayıb.
ABŞ rəsmiləri bildiriblər ki , Çin prezidenti Si Cin Pin ordusuna 2027-ci ilə qədər Tayvanı ələ keçirməyə hazır olmağı əmr edib.
Lakin bir çox analitiklər bunu işğal üçün vaxt qrafiki deyil, ordusunu gücləndirmək cəhdi kimi görürlər.
Pekin bildirib ki, Takaiçinin sözləri iki ölkə arasında 1972-ci ildə imzalanmış sazişin ruhunu ciddi şəkildə pozur, buna əsasən Yaponiya Çin Xalq Respublikasını Çinin yeganə qanuni hökuməti kimi tanıyır və Pekinin Tayvanla bağlı mövqeyini anlayır və hörmət edir.
Qeyd edək ki, Yaponiya Nazirlər Kabinetinin Baş Katibi Minoru Kihara Çinin etirazına cavab olaraq Yaponiyanın 1972-ci il müqaviləsinə sadiqliyini təsdiqləyib və Tokionun Tayvan məsələlərinin dialoq yolu ilə sülh yolu ilə həll olunacağına ümid etdiyini bildirib.
