Polşa Prezidenti Karol Navroçki sosial şəbəkələrdə daim təhdidlər alır.
Medialive xəbər verir ki, bu fikirləri rəqəmsal inkişaf naziri Kşiştof Qavkovski TVP telekanalına müsahibəsində deyib.
“Biz daim sosial mediada istənilən qanunsuz məzmunu, xüsusən də Polşa prezidenti kimi ölkənin ən mühüm adamlarına qarşı təhdidlər barədə məlumat veririk. Bu gün daha bir belə hal oldu”, – o deyib.
Onun sözlərinə görə, söhbət Polşa prezidentinə sui-qəsd təşkil etməyə çağırışdan gedir.
Qavkovski bildirib ki, onun idarəsi prezidentə qarşı təhdidlərə görə sosial medianı daim izləyir və əgər neqativ hal aşkar edilərsə, məlumatları polis və kəşfiyyat orqanlarına ötürür.
Qeyd edək ki, iyunun 1-də keçirilən prezident seçkilərində Karol Navroçki qalib gəlib.
