Parlamentdə təmsil olunan müxalif Litva Liberal İttifaqının lideri Viktoriya Nielsen Belarusla sərhəddəki vəziyyəti Litva hökumətinin uğursuzluğu hesab edib.
Medialive xəbər verir ki, o, bu barədə “Žiņu Radijas ” radiostansiyasında danışıb.
“Bu, bir növ hökumət səriştəsizliyidir, bunu təkcə bizdə deyil, həm də dost olmayan rejimlər müşahidə edir. Bu, bizim məğlubiyyətimizdir”, – o, bəyan edib.
Liberal lider hesab edib ki, bu vəziyyət hökumətin istefasına səbəb ola bilər.
Qeyd edək ki, oktyabrın 29-da Litva, Vilnüs mülki aviasiya təhlükəsizliyini təhdid etdiyini iddia etdiyi havadan tütün qaçaqmalçılığı ilə mübarizə aparmaq üçün birtərəfli qaydada Belarusla sərhədini bir ay müddətinə bağlayıb.
Buna cavab olaraq Minsk Litva yük maşınlarının sərhədi keçməsini dayandırıb və onları pullu dayanacaqlarda saxlamağı əmr edib. Nəticədə 1000-dən çox Litvalı yük maşını Belarusda qalıb.
Noyabrın 20-də Litva sərhədini açıb, lakin Belarus tərəfi hələ də yük maşınlarını buraxmır.
