Ermənistan Prezidenti Vaaq Xaçaturyan “Tramp marşrutu”nun Ermənistan üçün yeni imkanlar açacağını bildirib.
Medialive Ermənistan mətbuatına istinadən xəbər verir ki, o, bu barədə jurnalistlərə açıqlamasında deyib.
“Deyə bilərəm ki, bizim üçün heç bir təhlükə olmayacaq. Əksinə, Gürcüstanın və Rusiyanın əhəmiyyəti daha da artacaq”, deyə prezident deyib.
“Əgər danışdığımız hər şey gerçəkləşsə, yəni sərhədlər həqiqətən açılsa və TRİPP reallaşsa və işləsə, o zaman Ermənistan, Türkiyə, İran, Azərbaycan, Gürcüstan və Rusiya üçün də yeni imkanlar açılacaq”, – Ermənistan prezidenti bildirib.
Qeyd edək ki, avqustun 8-də Vaşinqtonda ABŞ Prezidenti Donald Trampla üçtərəfli görüşdən sonra Ermənistanın baş naziri Nikol Paşinyan və Azərbaycan Prezidenti İlham Əliyev Bakı ilə İrəvan arasında sülh yolu ilə nizamlanması Azərbaycanla Naxçıvan arasında nəqliyyat dəhlizinin yaradılması haqqında birgə bəyannamə imzalayıblar.
Bu layihə “Tramp Marşrutu” adlandırılıb.
