Macarıstanın xarici işlər naziri Péter Siyarto Avropanı Ukrayna ilə bağlı 28 bəndlik sülh planını qəbul etməyə çağırıb.
Medialive xəbər verir ki, o, bu barədə sosial şəbəkədə yazıb.
“28 bəndlik sülh planı Ukraynada müharibəyə son qoymaq üçün həyati şansdır. Bununla belə, bəzi Qərbi Avropa liderləri buna mane olmağa çalışırlar. Bizim mövqeyimiz aydındır: hər bir avropalı siyasətçi bu planı tam və qeyd-şərtsiz dəstəkləməyə borcludur, çünki bu, rasional və humanist seçimdir”, – o yazıb.
Qeyd edək ki, ABŞ Prezidenti Donald Trampın xüsusi nümayəndəsi Stiv Vitkoff tərəfindən Rusiya prezidentinin xüsusi nümayəndəsi Kirill Dmitriyevin iştirakı ilə hazırlanmış 28 bəndlik yeni sülh planı Krımın və Donbasın Rusiyanın nəzarətinə verilməsini, Ukrayna Silahlı Qüvvələrinin ixtisarını, Ukraynanın NATO-ya qoşulmaqdan imtina etməsini və xarici qüvvələrin onun ərazisinə yerləşdirilməsinə qadağa qoyulmasını nəzərdə tutur.
Dünən Cenevrədə ABŞ, Ukrayna və Avropadan olan nümayəndələrin iştirakı ilə sülh planı üzrə danışıqlar keçirilib.
