Son günlərin əsas müzakirə mövzusu müəllimlər üçün yeni təhsil modelinin tətbiq olunmasıdır.
Yeniliyə əsasən, müəllimlərin iş saatı 09:00-dan 18:00-a qədər müəyyənləşdiriləcək. Elm və təhsil naziri Emin Əmrullayev bildirib ki, tam ştatlı müəllimin əməkhaqqısı ölkə üzrə orta əməkhaqqından ən azı iki dəfə yüksək olmalıdır.
Medialive.az Dövlət Statistika Komitəsinə istinadən bildirir ki, 2025-ci ilin yanvar-sentyabr aylarında Azərbaycan iqtisadiyyatında muzdla çalışan işçilərin orta aylıq nominal əməkhaqqı 1087,7 manat təşkil edib. Bu məbləğ əvvəlki ilin müvafiq dövrünə nisbətən 9,5 faiz daha çoxdur. Beləliklə, bu rəqəmləri nəzərə alsaq, tam ştatlı müəllimin əməkhaqqısı ən azı 2000 manatı keçməlidir.
Qeyd edək ki, 2021-ci ildə orta əməkhaqqı 533 manat idisə, 2022-ci ildə bu rəqəm 720 manata, 2023-cü ildə isə 830 manata yüksəlib. Artım 2024-cü ildə də davam edib və orta aylıq əməkhaqqı 920 manata çatıb. 2025-ci il üçün bu göstərici 965 manata yüksəlib.
