Avropa Şurasının sədri Antonio Kosta AB-nin 2022-ci ildən etibarən Ukrayna ilə bağlı sülh planını həyata keçirdiyini və bunun Kiyevə tam dəstək və Rusiyaya sanksiyalardan ibarət olduğunu bildirib.
Medialive xəbər verir ki, bunu Kosta Handelsblatt qəzetinə müsahibəsində bildirib.
“Bizim sülh planımız 2022-ci il oktyabrın 24-də, biz burada Brüsseldə Ukraynaya diplomatik və iqtisadi, sonra da hərbi dəstək vermək qərarına gələndə həyata keçirilməyə başladı. Bizim sanksiyalarımız işləyir”,- deyə o, qeyd edib.
“Bu, sülh yolu ilə həllə nail olmaq üçün bizim əsas töhfəmizdir, çünki sülh təslim olmaq demək deyil”, – Avropa Şurasının rəhbəri bildirib.
