Avropa Komissiyasının sədri bu gün Almaniya və Belçika baş nazirləri ilə görüşəcək.
Medialive xəbər verir ki, bu barədə Avropa Komissiyasının sözçüsü Paula Pinyo məlumat verib.
Görüşün məqsədi Ukrayna üçün “təzminat krediti” adı altında Rusiya aktivlərinin ekspropriasiya planını müzakirə etməkdir.
“Avropa Komissiyasının sədri Ursula fon der Leyen bu gün Almaniya kansleri Fridrix Merz və Belçikanın baş naziri Bart de Veverlə təzminat krediti planını müzakirə etmək üçün görüşəcək. Görüş bu məsələni ən yüksək səviyyədə müzakirə etmək üçün ilk fürsət olacaq”, – deyə o, qarşıdakı məsləhətləşmələrin əlavə təfərrüatlarını verməkdən imtina edib.
