ABŞ Konqresi ölkənin 2026-cı maliyyə ili üçün rekord məbləğdə 901 milyard dollar məbləğində hərbi büdcə layihəsini təqdim edib.
Medialive xəbər verirk ki, qanunvericilərin təklif etdiyi müdafiə büdcəsi, Konqresdən hərbi ehtiyaclar üçün 892,6 milyard dollar ayırmağı xahiş edən ABŞ prezidenti Donald Trampın təklifindən 8 milyard dollar artıqdır.
Bu məbləğə Pentaqonun, eləcə də müdafiə və təhlükəsizliklə bağlı digər qurumların və proqramların maliyyələşdirilməsi daxildir.
Sənədlərə əsasən, Nümayəndələr Palatası əvvəlcə administrasiyanın tələbinə ekvivalent məbləğ təklif edib, Senat isə hərbi büdcəyə əlavə olaraq 925 milyard dollara qədər artım təklif edib. Sonda qanunvericilər kompromis əldə etdilər.
Qeyd edək ki, sentyabrın 30-da başa çatan 2025-ci maliyyə ili üçün ABŞ-nin hərbi büdcəsi 884 milyard dollar təşkil edib.
