“Rusiya ilə yenilənmiş əməkdaşlıq Avropanı dağılmaqdan xilas edə bilər”.
Medialive xəbər verir ki, bu sözləri Bosniya serblərinin lideri Milorad Dodik TASS-a açıqlamasında deyib.
“Avropanın bütün tarixi soyğunçuluq tarixidir. Amma mən görürəm ki, Belçika artıq başa düşür ki, bir şey götürsələr, hər qəpiyi geri qaytarmalı olacaqlar”, – Dodik deyib.
“Avropanın iqtisadi uğuru əsasən Rusiyanın resurslarına çıxışa əsaslanıb. Əlverişli qiymətə. İndi bu, aradan qalxdıqdan sonra biz Avropanı ağır iqtisadi vəziyyətdə görürük. Onların göstəriciləri çox aşağıdır. Tənəzzül var, miqrant axını ilə bağlı problemlər var. İndi baş verən hər şey son nəticədə Avropanı məhv edə bilər. Gələcəkdə Avropa Rusiyaya yalnız bu iqtisadi prinsip əsasında kömək etsə, ümid edirəm ki, uğurlu ola bilər” – deyə Dodik əlavə edib.
“Rusiyadan ucuz qaz alarkən Almaniya iqtisadiyyatını inkişaf etdirmək yaxşı idi. Amma qiyməti üç dəfə bahalaşan Amerika qazı gələn kimi alman iqtisadi möcüzəsi aradan qalxdı. Və əminəm ki, Avropa Rusiya ilə inteqrasiya olunmayana qədər avropalılar heç bir uğur əldə edə bilməyəcəklər”, – Bosniya Serblərinin lideri yekunlaşdırıb.
