“Gürcü arzusu” ölkədə etiraz aksiyaları keçirənlər üçün qaydaları sərtləşdirir.
Medialive xəbər verir ki, yeni qaydalara əsasən, Gürcü Daxili İşlər Nazirliyinin əməkdaşlarının izdihamlı yerlərdə toplaşma və ya nümayiş keçirilərsə etirazçılara xəbərdarlıq etmələri tələb olunacaq.
Həmçinin piyadaların hərəkəti üçün nəzərdə tutulmuş ərazilərin nəqliyyat vasitələri, müxtəlif tikili və əşyalarla bağlanması qadağan ediləcək.
Təşkilatçılar yolun piyadalar üçün olan hissəsini və ya avtomobillərin hərəkət hissəsini bağlamaq niyyətində olduqda bu barədə Daxili İşlər Nazirliyinə məlumat verməlidirlər. Yığıncağın və ya nümayişin təşkili və keçirilməsi haqqında bildiriş hər bir toplantıya və ya nümayişə beş gündən gec olmayaraq Gürcüstan Daxili İşlər Nazirliyinin Patrul Polisi Departamentinə təqdim edilməlidir.
Aksiya iştirakçılarının sayı yolu bağlamaq üçün kifayət etməzsə, Daxili İşlər Nazirliyinin əməkdaşları ərazini təmizləyərək piyadaların və ya nəqliyyat vasitələrinin istifadəsinə verməlidirlər.
