ABŞ Prezidenti Donald Tramp səmimi şəkildə Ukrayna münaqişəsini siyasi və diplomatik yollarla həll etməyə çalışır və Rusiya bunu alqışlayır.
Medialive TASS-a istinadən xəbər verir ki, bunu Rusiyanın xarici işlər naziri Sergey Lavrov Ukraynadakı nizamlanma ilə bağlı səfirliyin dəyirmi masasında deyib.
“Trampın ən görkəmli və mərkəzi xarici siyasət kampaniyası şüarlarından biri Ukrayna münaqişəsinə tez bir zamanda son qoymaqdır. Biz hazırkı Amerika liderinə zaman verməliyik. Ağ Evə qayıtdıqdan sonra o, həqiqətən də bu məsələyə toxunub və bizim qiymətləndirməmizə görə, münaqişənin siyasi və diplomatik vasitələrlə həllinə çalışır. Biz bunu alqışlayırıq”, – deyə nazir bildirib.
Lavrov əlavə edib ki, Ukrayna böhranının həlli təkcə istəklər deyil, həm də Rusiya Prezidenti Vladimir Putin və Rusiya hökumət üzvlərinin dəfələrlə qeyd etdikləri münaqişənin əsas səbəblərini aradan qaldırmaq üçün mühüm addımlar tələb edir.
