“”Qızıl Günbəz” raketdən müdafiə sisteminin yaradılması ABŞ-yə prezident Donald Trampın vəd etdiyi 175 milyard dollar əvəzinə 1,1 trilyon dollara başa gələcək”.
Medialive xəbər verir ki, bu barədə Bloomberg-in hesablamalarında qeyd olunub.
Məlumata görə, 1,1 trilyon dollarlıq vəsait Trampın bəyan etdiyi xərcləri 500%-dən çox üstələyə bilər.
Agentlik qeyd edib ki, hesablamaları yalnız silah və müdafiə sistemlərinin dəyərinə əsaslanıb, lakin əməliyyat xərclərini, tədqiqat xərclərini və ya personalın maaşlarını əhatə etməyib.
Qeyd olunub ki, bütün bunlar “Qızıl Günbəz”in son dəyərini daha da artıra bilər və bu raketdən müdafiə sistemi istifadəyə verilsə belə, onun 100% effektiv olacağına heç bir zəmanət olmadığını vurğulayıb.
Qeyd edək ki, yanvarın 28-də ABŞ Prezidenti Donald Tramp “Qızıl Günbəz”in yaradılması haqqında sərəncam imzalayıb.
Tramp bunun üçün təxminən 175 milyard dollar ayırmağı təklif edib və yeni sistemin yaradılması üç ildən çox vaxt aparacaq.
