Tramp administrasiyası bu il immiqrasiya ilə mübarizəyə 2 milyard dollar xərcləyib və gələn il bu məbləği ikiqat artırmağı planlaşdırır.
Medialive xəbər verir ki, bu barədə Konqres tərəfindən dərc edilən hesabatda deyilir.
Hesabatda qeyd olunur ki, Pentaqonun 2026-cı maliyyə ili üçün büdcə sorğusunda ABŞ-Meksika sərhədində miqrantlara qarşı əməliyyatlar üçün ən azı 5 milyard dollar ayrılıb.
Qanunvericilərin sözlərinə görə, Pentaqon ötən maliyyə ilində sərhəddə qoşunların yerləşdirilməsi üçün 1,3 milyard dollar, ölkə daxilində və xaricdə hərbi obyektlərdə immiqrantların saxlanılması üçün 420,9 milyon dollar, Los-Anceles, Portland və Çikaqo kimi ABŞ şəhərlərində qoşunların yerləşdirilməsi üçün 258 milyon dollar və hərbi deportasiya uçuşları üçün 40,3 milyon dollar ayırıb.
Konqres üzvləri hesab edirlər ki, Trampın ABŞ ordusundan immiqrasiya məsələlərində istifadə etməsi bütün ağlabatan hədləri aşır, qoşunların hazırlığını azaldır və agentliklər arasında daha effektiv resurs bölgüsü əvəzinə israfçılığa gətirib çıxarır.
Hesabatı şərh edən Ağ Ev bildirib ki, miqrasiya əleyhinə missiyaya ayrılan vəsaitin xərclənməsi digər missiyaların maliyyəsiz qalacağı anlamına gəlmir və əlavə edilib ki, Pentaqonun vəsaitlərindən immiqrasiya məsələlərini həll etmək üçün istifadə etməkdə ABŞ-nin 46-cı Prezidenti Co Bayden günahkardır.
