Nepalda hökumət komissiyası sentyabrda baş verən etirazlar aksiyalarının vurduğu maddi ziyanı 580 milyon dollar olaraq qiymətləndirib.
Medialive xəbər verir ki, bu barədə The Himalayan Times qəzeti məlumat yayıb.
Komissiyanın rəhbəri Rabibal Panth yekun hesabatı Baş nazir Suşila Karkiyə təqdim edib.
Ölkənin 77 bölgəsindən 54-də müxtəlif tikililərə ziyan dəyib. 77 nəfər ölüb, 17-si uşaq olmaqla 429 nəfər yaralanıb.
Etirazlar zamanı ümumilikdə 2700-ə yaxın tikili müxtəlif dərəcələrdə ziyan görüb. İtkilərin əksəriyyəti 300 milyon dollar dövlət müəssisələrinə dəyib. Təxminən 13 min nəqliyyat vasitəsinə də ziyan dəyib.
Qeyd edək ki, sentyabrın əvvəlində Nepalın paytaxtı Katmanduda və digər şəhərlərdə iğtişaşlar başlayıb.
