2025-ci ildə ABŞ Silahlı Qüvvələri Suriya hərbi və hüquq-mühafizə orqanları ilə birgə İŞİD yaraqlılarını və digər terror təşkilatlarını məhv etmək məqsədilə 80 əməliyyat keçirib.
Medialive xəbər verir ki, bu barədə ABŞ Mərkəzi Komandanlığı məlumat yayıb.
CENTCOM komandanı admiral Bred Kuper bildirib ki, bunlar Suriya hökumət qüvvələri ilə sıx əməkdaşlıq etməklə yerində əldə edə etdikləri real təhlükəsizlik nailiyyətləridir.
Bu əməliyyatlar zamanı 14 terrorçu öldürülüb, daha 119-u isə Amerika və Suriya qüvvələri tərəfindən uğurla saxlanılıb. Birgə əməliyyatlar 130 minaatan və raket daxil olmaqla 15 İŞİD silah anbarının aşkarlanmasına və məhv edilməsinə imkan verib.
Komandanlıq qeyd edib ki, İŞİD son bir ildə ABŞ ərazisində terror hücumlarının təşkili və hazırlanması ilə bağlı ən azı 11 hadisədə iştirak edib.
Qeyd edək ki, dekabrın 13-də Pentaqon Suriyanın Homs əyalətinin mərkəzi hissəsində yerləşən Palmira şəhəri yaxınlığında iki ABŞ Milli Qvardiyası əsgərinin və bir amerikalı tərcüməçinin öldürüldüyünü bildirib.
