“Yaxşı, Dağlıq Qarabağ xalqının geri qaytarılması gündəliyini öz üzərimizə götürürük, bəs bundan kim faydalanacaq? Kim ora qayıdacaq?”.
Medialive Ermənistan mətbuatına istinadən xəbər verir ki, bu sözləri Ermənistanın baş naziri Nikol Paşinyan jurnalistlərlə söhbətində deyib.
O, səhvlərdən dərs çıxarmağın vacibliyini vurğulayaraq deyib:
“Siz Qarabağ xalqını, digər erməni xalqı kimi, avara statusuna məhkum etməyə çağırırsınız ki, bu insanlar harada yaşayacaqlarını, ünvanlarının olub-olmadığını bilməsinlər. Bəli, var. Bu ünvan beynəlxalq səviyyədə tanınmış suveren ərazisi olan Ermənistandır”, – deyə o qeyd edib.
Paşinyan Beynəlxalq Məhkəmənin qərarının praktik nəticələri barədə ritorik şəkildə “yenə də dərs çıxara bilmirik. Müxtəlif razılaşmalarımız – San-Stefano Konfransı, Berlin Konfransı, Sevr Müqaviləsi, müxtəlif məhkəmə qərarları və sair var. Biz bu yolu rədd edirik, çünki bu, Dağlıq Qarabağ xalqını əbədi səyyah statusuna məhkum edəcək”, – deyə hökumət başçısı əlavə edib.
Qeyd edək ki, Paşinyan sonda Qarabağda yaşamış erməniləri Ermənistan vətəndaşlığını qəbul etməyə çağırıb.
