ABŞ Daxili Təhlükəsizlik Katibinin köməkçisi Trişa Maklaflin Texasın El Paso şəhərindəki deportasiya olunmuşlar üçün müvəqqəti saxlama düşərgəsindəki sərt şəraitin miqrantların ölümünə səbəb olması barədə yayılan xəbərləri təkzib edib.
Medialive xəbər verir ki, Maklaflin bu barədə X-də yazıb.
“Xeyr. Qanunsuz immiqrantların saxlanma mərkəzləri ABŞ vətəndaşlarını saxlayan əksər ABŞ həbsxanalarından daha yüksək standartlara malikdir. Bəşər sivilizasiyası tarixində heç bir qanun pozucusu ABŞ-də qanunsuz immiqrantlardan daha yaxşı rəftar görməyib. Onların hamısı qida baxımından təsdiqlənmiş yeməklər və hərtərəfli tibbi yardımla təmin olunur. Çox vaxt bu əcnəbilərin həyatlarında aldıqları ən yaxşı xidmətlərdir”, – deyə Maklaflin yazıb.
Qeyd edək ki, əvvəl “El Paso Times” qəzeti El Pasodakı Camp East Montana immiqrasiya saxlama mərkəzində miqrantların müntəzəm olaraq həyati təhlükə yaradan xəstəliklər, kəskin ruhi sağlamlıq problemləri və xəsarətlərlə qarşılaşdıqlarını bildirib.
Qeyd olunub ki, bəzi sənədsiz immiqrantlar xəstəliklərinin pisləşməsi səbəbindən ölürlər və ya intihar edirlər.
El Paso həbsxanası bu ilin avqustun 17-də açılıb. Orada 3000 yaxın immiqrant qalır.
