Bakı şəhəri, Yasamal rayonu, Əsəd Əhmədov küçəsi, 31a ünvanında yerləşən “Qarabağ Müharibəsi Əlilləri, Veteranları və Şəhid ailələri” ictimai birliyi tərəfindən tikilən yaşayış binasında yanğın olub.
Bu barədə Medialive.az-a görüntülər göndərilib.
Videolardan aydın olur ki, binanın damı tüstülənib. FHN binada yanğının söndürülməsinə cəlb olunub.
Şikayətçi qeyd edib ki, bu hadisə ilk dəfə deyil, daha öncə də baş verib.
Eyni zamanda, o bildirib ki, uzun müddətdir binada su və istilik sistemi kəsilib.
İzləyici iddia edib ki, yanğın gecə saatlarında baş versəydi, bina sakinlərinin hamısı zəhərlənib ölə bilərdi.
Məsələ ilə bağlı aidiyyatı qurumların tezliklə məsələyə nəzarət edəcəyini və yaranmış xaotik vəziyyəti aradan qaldıracaqlarına ümid edirik.
Hazırkı vəziyyətli əlaqədar qarşı tərəfin mövqeyini dərc etməyə hazırıq.
Həmin görüntüləri təqdim edirik:
