Cənubi Koreyada ər həyat yoldaşını onun həyatını xilas etmək üçün qaraciyərini verməkdən imtina etməsinə görə məhkəməyə verib.
Medialive xəbər verir ki, bu barədə Oddity Central məlumat yayıb.
Cütlük üç ildir evlidir və iki azyaşlı uşaqları var, lakin 2024-cü ildə kişiyə nadir qaraciyər xəstəliyi olan birincili biliar sirroz diaqnozu qoyulub. Həkimlər xəbərdarlıq ediblər ki, orqan nəqli olmadan o, bir ildən çox yaşaya bilməz.
Həkimlər həyat yoldaşının donor kimi 95%-dən çox uyğun olduğunu müəyyən etdikdə dönüş nöqtəsi olub. Lakin həyat yoldaşı gözlənilmədən iynələrdən və iti əşyalardan patoloji qorxu səbəbi ilə əməliyyatdan imtina edib.
Bu imtina ailədə gərginliyə səbəb olub. Ər arvadını xəyanətdə günahlandırıb və valideynləri isə ona təzyiq göstərərək ərinin həyatını yalnız onun xilas edə biləcəyini iddia ediblər. Lakin tezliklə donor tapıldı və transplantasiya uğurlu olub.
Əməliyyatdan əvvəl kişi qadından ona niyə qaraciyərini vermədiyini soruşub. Söhbət əsnasında qadın imtina etməsinin əsl səbəbinin uşaqlarını anasız qoya biləcək ağırlaşmalardan qorxması olduğunu etiraf edib. Ər bu arqumentləri yetərsiz hesab edib və arvadını məhkəməyə verib.
Məhkəmə işindən sonra cütlük boşanıb.
