Suriyanın Hələb şəhərində YPG terrorçularının son hissəsinin ölkənin şimal-şərqinə təxliyə olunmağa başladığı bildirilir.
Medialive xəbər verir ki, məhəllədə yerləşən YPG üzvləri təxliyə ilə razılaşaraq 15 nəqliyyat vasitəsindən ibarət karvanla təyin olunmuş nöqtədən yola düşüblər.
Suriya Müdafiə Nazirliyi Fərat çayının qərbindəki YPG yaraqlılarına xəbərdarlıq edərək, onların işğal etdiyi ərazini hərbi zona elan edib.
Qeyd edək ki, hücumların artmasından sonra Suriya ordusu yanvarın 7-də Hələbdə YPG/SDG terror təşkilatının işğal etdiyi məhəllələrə qarşı əməliyyata başlayıb. Əməliyyatdan sonra Hələbdəki Əşrəfiyyə, Şeyx Məqsud və Beni Zeid məhəllələri terror təşkilatının işğalından azad edilib.
