“Baku Electornics” mağazalar şəbəkəsindən “İphone 17” alan müştəri gözlənilməz halla üzləşib.
Bu barədə telefon sahibi Aslan Rəhimov Bakues.az-a məlumat verib.
O, bildirib ki, bu ilin 10 yanvar tarixində sözügedən mağazalar şəbəkəsindən “İphone 17” alıb. Lakin telefonu alandan 10 gün sonra məhsulun rənginin dəyişdiyini görüb.
Üzləşdiyi problemlə bağlı “Baku Electronics”ə müraciət edən müştəri telefonun qaytarılmasını və ya dəyişdirilməsini tələb edib.
Məhsulun Zəmanət Talonunun olmasına baxmayaraq, mağaza müştərinin bu tələbindən imtina edib. Hətta telefonun rənginin dəyişməsi kosmetik problemlə əlaqələndirib və bununla bağlı heç nə edə bilməyəcəyini açıqlayıb.
Müştəri Aslan Rəhimov isə üzləşdiyi problemin mağaza tərəfindən həll olunmasının doğru addım olacağını vurğulayıb. O, “Baku Elektronics”in sərgilədiyi mövqeni müştəri məmuniyyətinin təmin olunmaması kimi dəyərləndirib.
İrəli sürülən ittihamla bağlı qarşı tərəfin mövqeyini dərc etməyə hazırıq.
