Xəbər verdiyimiz kimi, “Radio-Televiziya Yayımı və Peyk Kommunikasiyası” MMC-nin (Teleradio) rəhbəri dəyişib.
Medialive.az xəbər verir ki,qurumda baş direktorunun müavini və baş direktor vəzifələrini müvəqqəti icra edən Teymur Əsgərzadə vəzifəsindən azad edilib.
Onun yerinə bu vəzifə Əlibaba Əliyevə həvalə olunub.
Əlibaba Əliyevin dosyesini təqdim edirik:
Ə.Əliyev 1980-ci ildə anadan olub. Bakı Dövlət Universitetində Beynəlxalq hüquq üzrə bakalavr və Birləşmiş Krallığın Kent Universitetində Beynəlxalq əlaqələr üzrə magistratura, daha sonra Belçikanın Vlerik Biznes Məktəbində Biznesin idarə edilməsi (MBA) üzrə magistratura təhsili alıb. O, həmçinin Birləşmiş Krallığın İctimaiyyətlə Əlaqələr üzrə İxtisaslaşdırılmış İnstitutunun (Chartered İnstitute of Public Relations, CIPR) məzunudur.
Ə.Əliyev əmək fəaliyyətinə BP-nin Azərbaycan-Gürcüstan-Türkiyə regional ofisində başlayıb. 2003-2017-ci illərdə şirkətin Əlaqələr və xarici işlər departamentində müxtəlif rəhbər vəzifələrdə çalışıb. 2019-2024-cü illərdə isə Norveçin “Equinor” (əvvəl Statoil) şirkətinin Azərbaycandakı Nümayəndəliyində Kommunikasiya və dövlət qurumları ilə əlaqələr departamentinin rəhbəri olub və eyni zamanda şirkətin beynəlxalq layihələrinə töhfə verib.
Ə.Əliyev ADA Universitetində İxtisasartırma Proqramı çərçivəsində liderlik səriştələrinin artırılması üzrə seminarlar keçir.
