Mədəaltı vəzi xərçəngi ən çətin müalicə olunan xərçəng növlərindən biridir. Lakin elm dünyasında aparılan yeni araşdırma müalicə sahəsində mühüm irəliləyiş kimi qiymətləndirilir.
Medialive.az xəbər verir ki, aparılan tədqiqatda daraxonrasib adlı hədəfli dərman standart kimyaterapiya ilə müqayisə edilib.
Tədqiqat nəticələrinə görə, yeni müalicə alan xəstələrdə orta sağ qalma müddəti 13 ay, kimyaterapiya alanlarda isə 6,7 ay olub. Eyni zamanda ölüm riskinin təxminən 60 faiz azaldığı qeyd edilib.
Mütəxəssislər bildirirlər ki, KRAS və digər RAS mutasiyalarını hədəf alan bu yanaşma mədəaltı vəzi xərçənginin müalicəsində yeni mərhələnin başlanğıcı ola bilər.
Bununla belə, həkimlər bu metodun hələ bütün xəstələr üçün tam həll olmadığını, lakin genetik xüsusiyyətlərə görə fərdiləşdirilmiş müalicələr üçün mühüm imkanlar açdığını vurğulayırlar.azxeber.com
