Erasmus proqramının yaradıcısı Sofiya Korradi 91 yaşında vəfat edib.
Medialive xarici mətbuata istinadən xəbər verir ki, o, “Erasmusun anası” kimi tanınırdı.
İtaliya mətbuatının yazdığına görə, onun ailəsi akademiki hüdudsuz enerjiyə, intellektual və emosional səxavətə malik qadın kimi xarakterizə edib.
Korradi gəncliyində nüfuzlu Fulbrayt təqaüdü qazanıb, Nyu-Yorkdakı Kolumbiya Universitetində hüquq üzrə magistr dərəcəsinə yiyələnib. Lakin ölkəsinə qayıtdıqdan sonra onun Amerika universitetinin diplomu İtaliya təhsil sistemi tərəfindən tanınmayıb.
Bu təcrübədən təsirlənən Korradi tələbə mübadiləsi proqramı ideyasını inkişaf etdirib və proqram 1987-ci ildə Avropa İttifaqı tərəfindən həyata keçirilib.
Proqram başladığı gündən bu günə qədər təxminən 16 milyon tələbə iştirak edib. Avropa İttifaqı tərəfindən həyata keçirilən bu təşəbbüs Avropadakı universitetlər və ali təhsil müəssisələri arasında güclü əməkdaşlığı inkişaf etdirmək məqsədi daşıyır.
Elxan Nuriyev
