Ukrayna Prezidenti Volodimir Zelenski amerikalı həmkarı Donald Trampın Ukraynaya “Tomaqavk” raketləri verməmək qərarına münasibət bildirib.
Medialive xarici mediaya istinadən xəbər verir ki, o, bu barədə oktyabrın 23-də Brüsseldə jurnalistlərə açıqlamasında bildirib.
“Düşünürəm ki, siz bu barədə prezident Trampdan eşitmisiniz. Bu, çox incə qərardır. Amma bu, əvvəlki sanksiyalarla eyni vəziyyətdir”, – o qeyd edib.
Zelenski sanksiyalarla bağlı qərarın mümkünsüz göründüyünü vurğulayıb.
“Biz indi çox vacib olan bu enerji sanksiyaları ilə bağlı qərarı görürük. Ona görə də düşünürəm ki, uzunmüddətli perspektivdə bu məsələ ilə bağlı gələcəkdə oxşar qərarımız olacaq. Lakin bu, Amerika tərəfdən asılıdır”, – Zelenski bildirib.
Qeyd edək ki, Tramp NATO-nun baş katibi Mark Rutte ilə görüşdə jurnalistlərə açıqlamasında deyib ki, ABŞ Ukraynaya uzaqmənzilli “Tomaqavk” raketləri verməyə razı olmayıb.
