Avropa İttifaqı Şurasının mənzil-qərargahının yerləşdiyi binanın təmirinə ən azı 1,1 milyard avro xərclənəcək.
Medialive “Euractiv”in daxili sənədlərə istinadən verdiyi xəbərə görə, sözügedən bina Justus Lipsius binasıdır.
Avropa Komissiyası ilə üzbəüz yerləşir.
Bina artıq ən pis enerji göstəricilərinə malik kateqoriyasına daxil edilib.
Təmir işlərinə təhlükəsizlik baxımından da baxılır.
Justus Lipsiusun yenidən qurulmasının ümumi dəyəri 803 milyon avro olaraq qiymətləndirilir. Şura layihə üçün kredit götürərsə, əlavə faiz xərcləri 300 milyon avrodan çox qiymətləndirilir və ümumi dəyəri 1,1 milyard avroya çatdırır. Portal qeyd edib ki, bu xərclər bütün qitədə büdcə kəsirləri və Aİ-nin növbəti yeddi illik büdcəsi ilə bağlı onsuz da gərgin danışıqlar fonunda planlaşdırılıb.
Qeyd edək ki, işlərin 2029-cu ildə başlanması, binanın 2036-cı ildə istifadəyə verilməsi planlaşdırılır.
