35 ildir siqaret çəkən məşhur rusiyalı teleaparıcı və aktrisa Yuliya Menşova səhhətindən narahat olduğu üçün ondan imtina edib.
Medialive xəbər verir ki, aparıcı bu barədə Macarena layihəsinə müsahibəsində danışıb.
“Həkimlər mənə çox aydın və əlçatan şəkildə izah etdilər ki, siqaret birbaşa təhlükədir. Onların zarafat etmədiyini başa düşdüm və qorxdum”, – deyə aparıcı qeyd edib.
O, həkimlərin ona siqaret çəkməyin konkret hansı nəticələri barədə xəbərdarlıq etdiyini açıqlamayıb.
Menşovanın sözlərinə görə, bundan sonra o, siqareti qəfil atıb.
