Rusiyanın xarici işlər naziri Sergey Lavrov NATO-ya sovet dövründə verilən təminatlara baxmayaraq, genişlənməsinin dayanmadan davam etdiyini vurğulayıb.
Medialive xarici mətbuata istinadən xəbər verir ki, Lavrov bu haqda Minskdə Avrasiya Təhlükəsizliyi üzrə Beynəlxalq Konfransda çıxış edən zaman danışıb.
Onun dediklərinə görə, Rusiya NATO və Aİ ölkələrinin böyük əksəriyyətinin Qərbin hökmranlığının sona çatması və yeni tarixi eranın başlanması reallığını etiraf etməkdən imtina etdiyini görür.
“Bu, onlar ilə Rusiya, MDB üzrə tərəfdaşlarımız, Çin, Hindistan, İran, KXDR və digər Avrasiya dövlətləri arasında əsas fərqi göstərir ki, qitəmizin sabitliyi və rifahının açarı suveren bərabərlik və hamı üçün təhlükəsizliyin bölünməzliyi prinsiplərinə ciddi hörmətdən ibarətdir. Müttəfiqlərin günahı son illərdə silahlara nəzarət üzrə beynəlxalq razılaşmaların sistematik şəkildə pozulmasında və nəticədə ondan imtina edilməsindədir”, – Lavrov yekunlaşdırıb.
