ABŞ Prezidenti Donald Tramp ABŞ-də keçiriləcək prezident seçkilərində yenidən namizəd olmaq imkanını nəzərdən keçirmir və kimin özünün mümkün varisi olacağını düşünmür.
Medialive Qərb mediasına istinadən xəbər verir ki, bu barədə Tramp “CBS News”a müsahibəsində danışıb.
“Mən bu barədə düşünmürəm. Amma sizə deyim, bir çox insan yenidən namizəd olmağımı istəyir”, – Tramp ABŞ Konstitusiyasına 22-ci Düzəlişə baxmayaraq üçüncü müddətə prezident olmağa cəhd etməyi planlaşdırıb qalmayacağı ilə bağlı suala cavab verib.
“Mən Vens və dövlət katibi Marko Rubionu bəyənirəm. İnanılmaz namizədlərimiz var”, – Tramp kimin mümkün varisi kimi gördüyünü aydınlaşdırmaq üçün suala cavab verib.
Qeyd edək ki, ABŞ Konstitusiyasına edilən 22-ci Düzəliş prezidentin səlahiyyət müddətini iki müddətlə məhdudlaşdırır; 1951-ci ildə qəbul edilib. Bununla belə, Tramp üçüncü müddətə namizəd olmaq ehtimalını dəfələrlə gündəmə gətirib. Üstəlik, keçmiş əsas siyasi strateq Stiv Bannon bu yaxınlarda belə bir ehtimal irəli sürüb.
