Serbiyanın Prezidenti Aleksandar Vuçiç Ukrayna üçün Avropa İttifaqına sursat almaq imkanı təklif edib.
Medialive xəbər verir ki, bu barədə Vuçiç “Cicero”ya müsahibəsində deyib.
O qeyd edib ki, Serbiya Fransadan daha çox döyüş sursatı istehsal edir, xüsusən də minaatanlar üçün, onun anbarları doludur, ona görə də onlarla nəsə etmək lazımdır.
“Mən müharibə edən tərəflərə silah tədarükçüsü kimi görünmək istəmirəm, lakin Avropanın sursata ehtiyacı var. Ona görə də Aİ-dəki dostlarımıza təklif etdim ki, bizimlə təchizat müqaviləsi imzalasınlar və əlimizdə olan hər şeyi alsınlar”, – Vuçiç deyib.
Bu sursatların gələcəkdə Ukrayna müharibəsində istifadə oluna biləcəyi ilə bağlı suala Vuçiç “alıcılar onları istədikləri kimi sərəncam verməkdə sərbəstdirlər” cavabını verib.
“Bizə sadəcə olaraq uzunmüddətli müqavilə lazımdır ki, planlaşdıra bilək. Mən həmişə demişəm ki, Serbiya hərbi neytrallığını qoruyur. Lakin biz Avropa orduları ilə əməkdaşlığa tamamilə hazırıq”, – o vurğulayıb.
O, həmçinin Serbiyanın Rusiyanın Ukraynaya hücumunu pislədiyini və Ukraynanın ərazi bütövlüyünə hörmət etdiyini vurğulayıb.
