İran Qərblə gərginliyin artmasının qarşısını almaq üçün BMT müfəttişləri ilə əməkdaşlığı ciddi şəkildə inkişaf etdirməlidir.
Medialive xəbər verir ki, bu fikirləri Beynəlxalq Atom Enerjisi Agentliyinin (MAQATE) rəhbəri Rafael Qrossi “Financial Times”a müsahibəsində bildirib.
Qrossi bildirib ki, MAQATE İsraillə iyun döyüşlərindən sonra İranda təxminən onlarla yoxlama aparsa da, ABŞ tərəfindən bombalanmış Fordo, Natanz və İsfahan kimi nüvə obyektlərinə giriş icazəsi verilməyib.
Qrossi qeyd edib ki, İranın zənginləşdirilmiş uran ehtiyatları yaxınlığında hərəkət aşkar edilib, lakin bu, orada zənginləşdirmə fəaliyyətinin aparıldığı anlamına gəlmir.
