Türkiyəyə məxsus yük təyyarəsi Gürcüstanın dövlət sərhədindən təxminən 5 kilometr aralıda, Siqnaxi bələdiyyəsində qəzaya uğrayıb.
Medialive xəbər verir ki, bunu Gürcüstan Daxili İşlər Nazirliyi açıqlayıb.
Nazirlik bildirib ki, ilkin məlumatlara görə, təyyarə Azərbaycandan Türkiyəyə uçuş həyata keçirirmiş.
Faktla bağlı Cinayət Məcəlləsinin 275-ci maddəsinin 4-cü hissəsi ilə, yəni insan tələfatı ilə nəticələnən uçuşların təhlükəsizliyi və ya hava nəqliyyatı əməliyyatları qaydalarının pozulması ilə bağlı araşdırma aparılır.
Qeyd edək ki, bu gün Gəncədən qalxan, Türkiyə Hərbi Hava Qüvvələrinə məxsus hərbi yük təyyarəsi Gürcüstan ərazisində qəzaya uğrayıb.
