Fransa Prezidenti Emmanuel Makron müəyyən yaşdan kiçik istifadəçilər üçün sosial medianı qadağan etmək üçün Avropa səviyyəsində işlədiklərini təsdiqləyib.
Medialive Fransa mətbuatına istinadən xəbər verir ki, bu barədə Fransa Prezidenti Tuluzaya səfəri çərçivəsində “La Depeche du Midi”yə müsahibəsində deyib:
“İnanıram ki, sosial medianı müəyyən yaşa qədər qadağan etməyə doğru hərəkət etməliyik” – deyə o bildirib.
Qeyd edək ki, Fransa artıq 2023-cü ildən 15 yaşdan kiçik şəxslərin sosial mediaya daxil olması üçün valideyn razılığını tələb edən qanun qəbul edib, lakin Avropa qanunlarına uyğunluğuna dair şübhələr səbəbindən hələ də tətbiq edilməyib.
