Direktoru İngiltərə şahzadəsi olan Britaniyanın “Hauser & Wirth” incəsənət qalereyası Rusiyaya qarşı sanksiyaları pozmaqda ittiham olunur.
Medialive xəbər verir ki, bu barədə “The Telegraph” məlumat yayıb.
İstintaqda məlum olub ki, 2022-ci ilin aprel-dekabr aylarında qalereya Rusiya ilə əlaqəsi olan şəxsə lüks əşyalar hədiyyə edib.
Bu ittihama görə maksimum cəza şirkətlər üçün cərimə, fiziki şəxslər üçün isə 10 ilə qədər həbsdir.
İşə həmçinin sənət əsərlərinin daşınması ilə məşğul olan Artay Rauchwerger Solomons (keçmiş Art Logistics) şirkəti də daxildir. O, dəbdəbəli malların tədarükünə qoyulan qadağanı pozmaqda ittiham olunur. Londonda yerləşən şirkət 2023-cü ildə ləğv edilib.
Qeyd edək ki, 2022-ci ildən Böyük Britaniya 250 funt sterlinqdən yuxarı olan əşyaların, o cümlədən incəsənət əsərləri, zərgərlik məmulatları, avtomobillər, lüks mallar və dizayner geyimlərinin Rusiyaya ixracına qadağa qoyub.
