ABŞ Ədliyyə Departamenti Vaşinqtonun meri Muriel Bauzerin xarici səfəri ilə əlaqədar antikorrupsiya təhqiqatına başlayıb.
Medialive xəbər verir ki, bu barədə “The New York Times” məlumat yayıb.
Məlumata görə, istintaq bir neçə aydır davam edir və kampaniyanın maliyyələşdirilməsi qanunları və korrupsiyaya qarşı mübarizə qanunvericiliyinin potensial pozuntuları ilə bağlıdır. Rüşvət ittihamı irəli sürmək üçün bələdiyyə sədrinin nə vaxtsa Qətərin maraqlarına uyğun hərəkət edib-etmədiyini müəyyən etmək lazımdır.
Nəşr qeyd edib ki, bununla bağlı hələ heç bir sübut yoxdur.
Meriya qəzetə olanlardan xəbərsiz olduğunu açıqlayıb.
