Qazaxıstanın “KazMunayQaz” (KMG) neft-qaz şirkəti və Rusiyanın “Lukoil” şirkətləri sanksiyaların birgə layihələrə təsirini qiymətləndirirlər.
Medialive xəbər verir ki, bu barədə TASS-a KMQ-nin mətbuat xidmətindən məlumat verilib.
Şirkət izah edib ki, Qazaxıstanın mövcud qanunvericiliyinə və müqavilə öhdəliklərinə uyğun olaraq layihələr üzrə iş qrafikə uyğun olaraq davam edir.
“Bütün razılaşmalarda məhdudlaşdırıcı tədbirlərin tətbiqi zamanı hərəkətlərin gedişatını müəyyən edən sanksiya bəndi var. Bu müddəaların şərtləri məxfidir”, – mətbuat xidməti aydınlaşdırıb.
Qeyd edək ki, ABŞ Maliyyə Nazirliyi “Lukoil” və onun törəmə şirkətlərini Amerika sanksiyalarının yeni paketinə daxil edib.
Oktyabrın ortalarında Böyük Britaniya “Lukoyl”u da sanksiyalar siyahısına əlavə edib.
