Noyabrın 21-də Brüsseldə keçirilməsi planlaşdırılan Aİ-Gürcüstan İnsan Haqları Dialoqunun növbəti iclası qeyri-müəyyən müddətə təxirə salınıb.
Medialive “Novosti-Qruziya”ya istinadən xəbər verir ki, bunu Avropa Komissiyasının sözçüsü Anitta Hipper açıqlayıb.
İclas Gürcüstan tərəfindəki maneələrə görə təxirə salınıb.
O, həmçinin Aİ-nin insan hüquqları ilə bağlı mövqeyini təqdim etmək üçün bu məsələ ilə bağlı görüş keçirməyə hazır olduğunu təsdiqləyib.
Gürcüstan KİV-nin məlumatına görə, Gürcüstan hakimiyyətinin nümayəndə heyətinə sanksiyaya məruz qalmış məmuru görüşə daxil etməsindən sonra görüş təxirə salınıb.
Buna cavab olaraq Gürcüstan Xarici İşlər Nazirliyi Brüsseli ittiham edib.
Tbilisi hesab edir ki, Aİ iclası əsassız bəhanələrlə təxirə salıb.
“Gürcü Arzusu” ilə Brüssel arasında münasibətlər 2024-cü ilin yazında “Xarici agentlər haqqında” qanunun qəbulundan sonra pisləşib.
Aİ Gürcüstanın üzvlük ərizəsini dayandırıb, bəzi maliyyə yardımlarını dondurdu və hökumətlə yüksək səviyyəli əlaqələri məhdudlaşdırılıb. Avropa Parlamenti hakim partiyanın qalib gəldiyi mübahisəli 2024-cü il parlament seçkilərinin nəticələrini tanımayıb. Elə həmin gün baş nazir İrakli Kobaxidze Gürcüstanın 2028-ci ilə qədər Aİ ilə üzvlük danışıqlarını gündəmdən çıxaracağını açıqladı. Qərar bütün ölkədə kütləvi etirazlara səbəb olub.
