Albaniyanın baş naziri Edi Rama dövlət satınalmalarına cavabdeh olan süni intellektlə işləyən nazir Diellanın hamilə olduğunu açıqlayıb.
Medialive xarici mediaya istinadən xəbər verir ki, baş nazir bu sözləri Berlində keçirilən beynəlxalq Qlobal Dialoq forumunda açıqlayıb.
Belə ki, AI köməkçiləri parlament iclaslarında qeydlər aparacaq, müzakirələri yekunlaşdıracaq və parlament üzvlərinə tövsiyələr verəcək.
“Diella hamilədir və hər biri millət vəkili olmaqla 83 uşaq gözləyir. Bu uşaqlar analarının biliyini daşıyacaqlar. Əgər çayxanaya getsəniz və geri qayıtmağı unutsanız, o uşaq iclasda deyilənləri sizə danışacaq” – deyə o bildirib.
Qeyd edək ki, Albaniya dünyada süni intellektlə yaradılmış virtual naziri öz hökumətinə daxil edən ilk ölkə olub.
