Danışıqlar zamanı ABŞ-nin vitse-prezidenti Ceyms Vens İsrailin baş naziri Benyamin Netanyahudan vaxt istəyib.
Medialive xəbər verir ki, bu barədə Axios yazıb.
Məlumata görə, oktyabrın 22-də keçirilən danışıqlarda Vens həmçinin Netanyahudan maksimum əməkdaşlıq istəyib və Vaşinqtonun sülh razılaşmasını poza biləcək narahatlığının müəyyən aspektlərini qeyd edib.
Konkret olaraq, müzakirələr Həmas tərəfdarlarına qarşı zərbələr, eləcə də İsrail hökumətinin Qəzzaya humanitar yardımın çatdırılmasına məhdudiyyətlər qoyması ilə bağlı olub. Vens İsrail tərəfini təmkinli olmağa çağırıb.
Netanyahu Vensə bildirib ki, İsrail sülh sazişi çərçivəsinə sadiq qalacaq və tərəflərin yaxın gələcəkdə sülh sazişinin növbəti mərhələlərinə keçməsini gözləyir.
Bununla belə, danışıqlar ərəfəsində Netanyahu razılaşma çərçivəsində növbəti addımlara keçidin mümkünlüyünə şübhə ilə yanaşdığını bildirib.
