“Avropa artıq “tənbəl pişik” ola bilməz”.
Medialive xəbər verir ki, bu sözləri Estoniyanın xarici işlər naziri Marqus Tsaxna Aİ Ümumi İşlər Şurasının iclasında deyib.
“Biz artıq kiminsə müdafiəmizə gəlməsini gözləyən tənbəl kök pişiklər ola bilmərik”, – deyə Tsaxna tədbir zamanı bildirib.
Xarici işlər nazirinin sözlərinə görə, Avropa oyanmalıdır.
Tsaxna bildirib ki, Aİ ölkələri daha böyük məsuliyyət götürməli və müdafiəyə daha çox sərmayə qoymalıdırlar.
Qeyd edək ki, oktyabrın 14-də Brüsseldə keçirilən təhlükəsizlik konfransında müdafiə sənayesi nümayəndələri ilə danışan Avropa Müdafiə Komissarı Andrius Kubilius, Avropa Komissiyasının 2028-2034-cü illər üçün növbəti yeddi illik büdcə planı çərçivəsində Aİ-nin hərbi büdcəsini beş dəfədən çox artırmaq niyyətində olduğunu açıqlayıb.
