Slovakiyada hökumət dövlət büdcəsində yaranan kəsiri azaltmaq məqsədilə iki rəsmi bayramın təqvimdən çıxarıldığını açıqlayıb.
Medialive.az xəbər verir ki, yeni qərara əsasən, 8 May – Faşizmə qarşı Qələbə Günü və 15 Sentyabr – Müqəddəs Məryəm Günü artıq rəsmi istirahət günü kimi qeyd olunmayacaq.
Qərarın əmək bazarında məhsuldarlığı artıracağı və dövlət xərclərini azaldacağı qeyd edilib. Lakin yeni qərar cəmiyyətdə geniş müzakirələrə səbəb olub. Bəzi vətəndaşlar dəyişiklikləri dəstəkləsə də, tarixi və dini dəyərlərin zəifləyəcəyini əsas gətirərək, bu qərara etiraz edənlər də olub./Metbuat.az /
