Cəlal Orucov “Kapital Bank” ASC-nin İdarə Heyətinə yeni üzv seçilib.
Medialive.az xəbər verir ki, Banker.az-ın banka sorğusuna əsasən əldə etdiyi məlumata görə, bu Müşahidə Şurasının qərarı ilə reallaşıb.
Qərara əsasən Calal Orucov bankın İdarə Heyətinin üzvü və İdarə Heyəti sədrinin müavini vəzifəsinə təyinat alıb.
O, “Kapital Bank”ın Ödənişlər biznesinə və “PashaPay”ə rəhbərlik edəcək.
Xatırladaq ki, Calal Orucov Azərbaycanın aparıcı maliyyə institutlarında rəhbər vəzifələrdə çalışıb. O, Mərkəzi Bankda Ödəniş sistemlərinin inkişafı bölməsinin rəhbəri, MilliKart şirkətində Baş icraçı direktor, Unibank və Azərbaycan Beynəlxalq Bankında Texnologiyalar üzrə Baş direktor, PAŞA Bank-da Əməliyyatlar üzrə Baş direktor və İdarə Heyətinin üzvü kimi fəaliyyət göstərib. Cəlal Orucov eyni zamanda PAŞA Kapital-da Müşahidə Şurasının üzvüdür.
