Estoniyanın müdafiə naziri Hanno Pevkur hesab edir ki, Avropa İttifaqı bir ölkədən digərinə hərbi sursatların sürətlə tədarükünə imkan verəcək “hərbi Şengen” zonası yaratmalıdır.
Medialive xarici mediaya istinadən xəbər verir ki, bu barədə Pevkur İspaniyanın “El Pais” qəzetinə müsahibəsində deyib.
O bildirib ki, “hərbi Şengen” yaradılmalıdır ki, bizə tez hərəkət etməyə imkan versin:
“Müdafiə planlaması və hərbi planlaşdırma NATO-nun məsələsidir. “Bizə “hərbi Şengen” lazımdır ki, əgər İspaniyadan Estoniyaya bir şey çatdırmaq lazım gələrsə, bunun üçün heç bir sənəd tərtib etmədən bizə tez hərəkət etməyə imkan verəcək”.
“Aİ miqrasiya böhranı zamanı edildiyi kimi, birgə maliyyələşdirmə və satınalma yolu ilə üzv dövlətlərə yardımın göstərilib-göstərilməməsi ilə bağlı qərar qəbul edə bilər”, – nazir əlavə edib.
O, eyni zamanda, Ukraynanın “Tomaqavk” qanadlı raketlərinin mümkün alınmasının münaqişənin gedişatını dəyişdirə bilməyəcəyi qənaətində olduğunu bildirib.
