Fövqəladə Hallar Nazirliyinin (FHN) dələduzluq ittihamı ilə cinayət məsuliyyətinə cəlb edilən keçmiş əməkdaşı Elvin Babaşov barəsində cinayət təqibinə və cinayət işinin icraatına xitam verilib.
Qaynarinfo-nun əldə etdiyi məlumata görə, Xəzər Rayon Məhkəməsinin hakimi Elbəyi Allahverdiyev bununla bağlı qərar qəbul edib.
O, “Konstitusiya və Suverenlik İli” münasibətilə amnistiya elan edilməsi haqqında” Milli Məclisin qərarına əsasən bu addımı atıb.
FHN-nin Dövlət Yanğından Mühafizə Xidmətinin 4-cü ərazi Dövlət Yanğın Nəzarəti İdarəsində mühəndis-inspektor vəzifəsində çalışan Elvin Babaşov Cinayət Məcəlləsinin 178.2.2, 178.2.3 və 178.2.4-cü maddələri ilə ittiham olunurdu.
