Dünən xəstəlikdən dünyasını dəyişən meyxanaçı İlkin Çərkəzoğlu ilə bağlı yeni faktlar ortaya çıxıb.
Medialive.az xəbər verir ki, meyxanaçı ötən il anasını xəstəlik səbəbindən itiribmiş. Bundan sonra onun həyatında ağır günlər başlayıb.
Anasını itirdikdən sonra meyxanaçı ağır depressiyaya düşüb və uzun müddət bu vəziyyətdən çıxa bilməyib.
İlkin Çərkəzoğlunun ailəsinə yaxın olan şəxsin Oxu24.com-a verdiyi məlumata görə, meyxanaçı son günlərini anasının məzarı başında keçirirmiş.
“İlkinin anası Samirə xanım 2025-ci ildə xəstəlikdən vəfat etdi. Onun müalicəsi də çox ağır və uzun müddət davam etdi. Anasını 49 yaşında itirən İlkin çox ağır günlər keçirirdi.
Hər gün anası Samirə xanımın məzarı başına gedirdi,onunla söhbət edirdi.Bunu Tərtərdə hamı görüb, bilir… Bütün bunlar İlkinin özünə də təsir etdi, axırı da belə oldu. Allah rəhmət etsin. Onu yaşadan mahnıları qaldı bizə”, – deyə meyxanaçının həmyerlisi bildirib.
Qeyd edək ki, İlkin Çərkəzoğlu milyonlarla baxışı olan bir neçə meyxananın ifaçısıdır. Bu siyahıda “O sən gedən gündən”,”Neçə illərdi”,”Bəlkə də bir gün”, “Papanın kukla qızı” və bu kimi silsilə musiqili meyxanalar var.
